ابوذيات وخواطر جديدة
جنت احلم اشوفك حتة لوطيف
وامدبساط روحي لرجلك ادوس
وكلت لو ملح اريدك وية الجروح
تظل شفة اعلة شفة بكيفك تبوس
لكن من عرفتك هسة ماريد
لان بس خيط قلبي وجيتك موس
بقلمي...............
على لحن الدمع نامت عيوني الليل وعلى صوت ألقهر فز الصبح كلبي
لا ضالم بشر لا قاهر أحد يوم ليش وياي هيج يصير يا ربي°
مخنوك والسوالف تطلع من الروح ما ادري شعجب وشصار وشذنبي°
يلوموني لأن ربيت حزني وياي هو لمفارك محب متكلي شيربي°ًًً
راح الجان من يفزع يرد كون
جفاني ونخه حاديهم يرد كون
اريد اصياط هجرانك يرد كون
ابكفاي وحول تطويريج بيه
هزني
ألشوك ألك يانورألعيون وأشتاكيت أشوفك وألك حنيت شكد أرتاح إذاألكاك مرتاح
وشكد أفرح إذا عالبال مريت مثلك ماشفت ياطيب ألروح وغيرك ما أظن بيوم حبيت
ياواهب
الأنسان أسباب الهدى+ + يامن بحمد العالمين تفردا ++ لي عند بابك دعوة
فيها رجا ء++ أحشر أحبتي تحت عرشك سجدا ++ ثم أسقهم بيدألحبيب محمدا
ماءا"هنيئا" سلسبيلا"باردا
ياماي
الذهب ياترف ياشفاف ياأية حسن سبحان المصورك يا لغز وصعب والدنية داخت بيك
احنة اشنفتهم وتريدنه انفسرك وجهك والشمس متشابهات اهواي ولون الليل
الاسود غار من شعرك طبع نص الشهر الهلال بدر ايصير وانت سنين عمرك كلهة نص
شهرك
كلبي مافضى الغيرك وفض لك
وروحي مانست طبعك وفضلك
اميزك بين الف صاحب وفضلك
وتبقى انت الوفي وغالي عليه
الوكت كل ساع شرة علي يرمه
ولاني وذب علي بجفاك يرمه
من العين لا لا تظن يرمه
دمه سالت عليك وعمت هيه
سألوني شعجب ما تكتب اشعار
وتذكر بالشعر كلمن تريده
شأكلهم وانت شاعل بالكلب نار
وروحي من البعد صارت قصيده
انا بفركاك نخله بشحة الماي
من كثر العطش صارت جريده
... وكف كلبي بغيابك ما عِرف ليش
اثاري انت طلعت كاطع وريده
زلم صارت اجروحي اتريد نسوان
وزفهن عله اعيوني ابنومت اليل
شخابيطي
ساعات الك أشتاك ..... وتاخذني لهفــه ..... بيهه أطوي المساافات ...
وأوكف يم عتبة باب بيتك ... أتنفسك عطر .... وأشهكك شوغات ...
تعال ... تعال ... لمني ...أنا طشرني زماني ..
خيط سبحه أنكطع ... وتفرهدت الخرزات .....
وينــــك صرت .... يالشحيت الوصل ...وأنا مناطرك عمر ...
تعبني .. تعبني .... ليل المحطات ...
لوأشوفك حلم ... وتعاتب وياك ... لوترجع سواليفنه ..وذيج الحجايات ..
جان أطيب الجروح ... وتسكت الناس ... ويمكن ماأبني أمل عالجيات ..
يمكن صفناتي تروح مني ...وليلك مايمرني ... وأثار الجروح تصبح ذكريات ..
شجاني ... وأمنت عندك كل الاسرار ...يالبعتهن برخص ...
واسراري لمـــة حمامات ....
حتى يم جرف حبك ... ماتن نوارس أحلامـــي .... وكبل سنين ...
أعله بيتك العالي جانن حاطــــات ...
أجيتك بكلب أبيض ... بلون الوفر ....شايل وفه وأمنيات ....
ولكيتك يم بيتك ... عشك جذاب .... تبيع العشــك بالمزادات ...
حبك دفنته ويه ذكرياتك .... بعد هيهات يرجع هيهات ...
بقلمي / نجـــم الحارثي الميســـانــي
يهل تمشي بخفيف الجدم وناي
واخبرنك عليك اشكثر وناي
شريجي بالونين الناي وناي
يذكرني بهواك ا شعمل بيه
عفتني بنار ياهو الگلك إبراهيم
والأكثر بالكواغد گمت تطفــــــيها
أنا تمنيت تخطر مگبرة أعله البال
حتى أدفــــــن ذكرتك ماأخلــــــيها
عشرتي وياك عشرة سدة وية الماي
أجي بلهفتي وتدفعني وأرد ليــــــها
ولتذب لومك أعله القسمة والأيام
أنت الماردتني القسمة شعلــــــيها
ليست هناك تعليقات :
إرسال تعليق