مجموعة ابوذيات حلوة ومنوعة

يمــة انكسر ظهري وحيلي تعبان
وحــر الصـــيف موتهه للبـــراءة ..
باجر امتحــاني وحاير اهــواي
ابيـــعن غــاز لو اقــرة القــراءة..؟







من وره اجتافك شفت بيك الجمال
وردت اشوفك حتى اصدك ضنوني
ومن درت انت علي وتبسمت
شكرمن وجهك طفربعيوني=حبيب




على سطح الكمر سويتلك بيت
اخذ بس ذكرياتك خاطر انشيل
قبائل بالكمر ماتعرف أتلوم
لاعاذل بعد لاقال لاقيل
كلها تريد تسهر كلها عشاك
هناك الليل عدهم كلش أطويل
ويمك من احس بروحي نعسان
انام بفي كذلتك شلي بالليل
ماتحتاج مشطك رمشي موجود
ومن شعرك احوك لوجهي منديل
انه وياك عركه شفافنه سلاح
واكثر شوك بينا الاول ايعيل
زينب


 دور غيري روح براحتك مرخــــــوص
شوف انته اليعجبك روح وســـتنكه
تلكه بمستواك هــواي موجــــودين
بس بطيبتي اتحــــداك مـــاتلـــكه
كلب شاعر انطيتك كله رقه وشوك
وحذرتك كلتـــلك بالـــك تســـحكه
ترى الدافن عشك مثل الدفنله عزاز
حتى الضحك كــــون ينشز بحــلكه==حبيب الجاسمي



 انه مثل الغريب بهذا الكروب!!
وراح من الجفن تنزل الدمعه!!
لان انشر وعلق ونطي اعجاب!!
وعله منشوري محد كَال روعه



 گالولک نسيتک؟ تعقل شلون ؟
وهذآ الگالک کل عقله ناسيک !؟

تمر يم باب عيني وتحچي الدموع
وتمر يم باب جرحي وينخبص بيک ،،
زينب


 اجازي ابيش امي والله حرت ابيش
اكطع روحي الهه وماأجازيـهـــــــــه
امي الخير كله وشمعة البـــــــيت
واتشرف اصير نعال رجليهــــــــــه



 ليغيرك الكرسي شما تعليت
وعيش شما تعيش اخرتك تموت
وفكر من خشب هالكرسي مصنوع
الخشب من صار كرسي يصير تابوت!!
زينب


 راجـــع ذكـــرياتـــك راح تلـــگاني ...
ضوّيت الـــطريق الچنت تعثر بي ...
وك شمعة بطريقك مو چنت آني ...
صايرلك كتاب وبي قصص اشكال ...
ما فـــكرت مرة بـيوم تــقرآني ...
فالـــح بالـــجروح و بالأذية اسـتاذ ...
بالطيبة وتسامح حيـل كـسلاني ...
تعبتني عشرتك ضاع بيهة الحيل ...
و هجرك بالنــهار نــجوم راوانـــي ...
مو ذنبك ابد من گلبي كل الصوچ ...
دلاني بمحبتك ليـــــش ؟ دلاني ...
اي ولله اني كلبي عليك دلاني...

تذكر من اكَلك راح انســــاك
وانت ما تصدك تضحك تكَوم ..
سبحان الله دارت بيك اﻻيــام
واجه يوم النسيتك صادف اليوم .....

 

 

 المارايدنة خلي يكول ننساه
نحب المايحبنة حيل زحمة
ومنحب اليضل يتكلب هواي
لان واحدنة روحة بطرف خشمة.=حبيب

 

 

 

 محتاج لحـــضن مابي عطر شـمات ...
محتاج لحـــنان وشـــوگ يچــويني ...
محتاج لنـ،ــهر مابـــي ولا سابـــوح ...
امـوت بــداخلة وبـــلهفة يحـــييني ...
محتاج المــطر بس مو مطر بالصيف ...
ثلـــــج فــــوگاية ينزل مــــو يأذيني ...
محتاج الشمس ملـيت شكل الغيم ...
اريد احضن ضــــواها وخلي يعميني ...
محتاج استقر واضحك صدگ فد يوم ...
مو تضحك اشفافي ودمعتي بعيني ...
محتاج انهزم مو خــايف مــن الناس ...
بس ملــيت والله وخــلصن سنيني ...
مدري الذنب بية ومــــدري بالباقين ...
مدري الـــزمن اعــوج راد يلـــغيني .
=حبيب الجاسمي